Opið er fyrir umsóknir í afreksmannasjóð Guðmundar Bjarnassonar

Home/Stjórn/Opið er fyrir umsóknir í afreksmannasjóð Guðmundar Bjarnassonar

Á aðalfundi Síldarvinnslunnar í fyrra var samþykkt að stofna afreksmannasjóð Guðmundar

Bjarnasonar og skyldi Síldarvinnslan árlega veita honum eina milljón króna til ráðstöfunar. Sjóðurinn

er stofnaður í minningu Guðmundar Bjarnasonar sem lést á síðasta ári. Guðmundur var formaður

Þróttar á árunum 1984 til 1987 og formaður knattspyrnudeildar félagsins á árunum 1976-1985. Þá sat

Guðmundur í stjórn Knattspyrnusambands Íslands á árunum 1978-1991. Sæti í stjórn

Síldarvinnslunnar átti Guðmundur á árunum 1991-2005 auk þess sem hann sat í stjórn

Samvinnufélags útgerðarmanna frá 1984 til dauðadags en stjórnarformaður félagsins var hann frá

2005. Guðmundur gegndi starfi bæjarstjóra, fyrst í Neskaupstað og síðan í Fjarðabyggð, á árunum

1991-2006.

Tilgangur sjóðsins er að styrkja einstaklinga innan Þróttar sem náð hafa framúrskarandi árangri í

íþrótt sinni. Á það við þegar viðkomandi hefur öðlast rétt til keppni á fjölþjóðlegum mótum, verið

valinn í landslið, unnið Íslandsmeistaratitil, sett Íslandsmet eða skarað fram úr með eftirtektarverðum

hætti. Sækja þarf um styrk úr sjóðnum og er gert ráð fyrir að styrkjum verði úthlutað tvisvar á ári í

júní og í desember. Stjórn Íþróttafélagsins Þróttar ásamt einum fulltrúa frá Síldarvinnslunni skipa

sjóðsstjórnina.

Umsókn fyrir vorúthlutun 2016 er opin til 30.júní 2016 og sendist til throtturnes@gmail.com eða

stefan@va.is

 

Reglur sjóðsins má nálgast hérna

 

By | 2016-06-10T09:18:17+00:00 9. jún 2016|Stjórn|0 Comments

Leave A Comment